2022 жылдың 5-сәуір күні (9:00 – 13:00) Х.Досмұхамедов атындағы Атырау университетінің Ғылым апталығы аясында «Музыка және өнер» кафедрасының ұстазы, өнертану кандидаты Бақыт Жолдыбайқызы ТҰРМАҒАМБЕТОВА облыстың балалар музыка мектептерінің мұғалімдеріне «Батыс өлкесінің әншілік дәстүрі» тақырыбында шеберлік сағаттарын берді.

     Тыңдаушылар аймақтағы Мұхит Мералыұлы, Маңғыстау қайқылары, Жылыой әншілері туралы мол ақпараттар алып, соңғы жылдары табылып, нотаға түсіп, жарық көрген әндерді республикаға белігілі өнер иелерінің орындауында тыңдады.

    

     Бұл дәрістерге облыстың барлық аудандарынан мұғалімдер мен мектеп директорларымен бірге Н.Жантөрин атындағы Атырау облыстық филармониясынан дәстүрлі әншілер мен университет студенттері де қатысты.

Кездесу соңында 50-ге жуық қатысушыға Сертификат берілді.

2022 жылдың 5-сәуір күні (15:00) өнертану кандидаты Б.Ж.Тұрмағамбетованың «Жас музыкатанушылар» Ғылыми мектебінің жастары зерттеу жобасы нәтижесінде «Домбырамен ән шырқайық» әндер жинағын жарыққа шығарды.

«Халық әні» мамандығының 3-курс студенттері Ғ.Тел мен А.Қалиеваның домбыра сүйемелдеуінде нотаға түсірген халық әндері университет баспаханасында басылды.

   Кітап таныстырылымының тұсаукесер лентасын университеттің Ғылым департаментінің басшысы Бәкірбекова Айгүл Мақұлбекқызы мен университет оқытушысы, ҚР Мәдениет қайраткері, дирижер, күйші Естаев Тынышбек Байғабылұлы қиды.

  

    Кітап таныстырылымы шарасында оқытушы С.Б.Садықов жетекшілігіндегі «Әсем Қоңыр» домбырашылар ансамблі мен тәжірибелі ұстаз, дәстүрлі әнші А.Т.Шаужанованың шәкірттері өнер көрсетті.

Видео – 5-сәуір Шаралар , Видео – Презентация сәті