StartUP жобалар 2020

Startup  – дамуы мен өсуіне қолдауды қажет ететін әрі жаңадан бастау алатын жаңа бизнес жоба.

     Университетіміздің Startup конкурсын өткізу мақсаты: Жас кәсіпкер студенттеріміздің  бизнес бастамаларын қолдау, өмір сүру сапасын жақсарту және озық білім  мен технологияларды еліміздің әлеуметтік-экономикалық өміріне енгізу. Студенттердің бастамаларына қаржылай қолдау білдіру арқылы кәсіпкерліктің қыр-сырын үйрету, бәсекеге қабілеттіліктерін арттырып, тұлға болып қалыптасуларына сеп тигізу. Әрі студенттеріміздің өз жобаларымен оқу ордасының өсіп-өркендеуіне үлес қосуларына жағдай жасау.
  «StartUp 2020» - университетішілік жас қызметкерлер мен студенттер арасындағы стартап конкурсы 2020 жылдың 14 қазанында болып өтті. Аталған конкурсқа университет жас қызметкерлері және студенттерінен жиналған 14 қатысушы өз аттарынан 15 стартап жобаны ұсынды.

Конкурс қазылар алқасы:
Батрышев Д.Г. – ғылым және халықаралық байланыстар жөніндегі проректор м.а.;
Доскалиева А. – Атырау облысы Іщкі саясат бөлімінің Азаматтық орталық директоры;
Ермұханов Н. – «Елсана» руханият клубының төрағасы;
Сапарова А. – Атырау облысы Кәсіпкерлер одағының бастығы;
Семғалиев Ә. – Атырау қалалық мәслихатытың депутаты;
Иманов А. – «Атамекен» кәсіпкерлік палатасы, Адамдық капиталды дамыту мен әлеуметтік серіктестік бойынша эксперт;
Шайхиева Б. - «іSpace» бизнес-инкубаторы және экокампусты дамыту бөлімінің жетекшісі;

Стартап жобаларды қаржыландыру конкурсы Ережесіндегі  конкурстық Төрешілер хаттамасында қойылған ұпайлардың негізінде 5 стартап жоба университет қорынан бөлінген 2 млн. теңге төлеміндегі қаржылай қолдауға ие болды.

 Атап айтсақ,

1. “YouTubers” (Youtube платформасы) жобасы 400 000 тг
2. «New Life» консалтинг орталық жобасы 500 000 тг
3. «Samga Academy» SMM және Бизнес мектеп жобасы 400 000 тг,
4. «Кенен тігін орталығы» жобасы 500 000 тг
5. «Жан-жануарларға жан-жақты жәрдем»  жобасы 200 000 тг ұтып алды.