Ғылыми кафе отырыстары
Университет профессорларының ғылыми әлеуетін арттырып, жергілікті ғылыми кадрларды дайындауға оң ықпал ету мақсатында өткен апталық кезінде «Science cafe» кафесінде «Болашақ» бағдарламасының тағылымдамасынан өткен университет түлектері «Болашақ ғылыми тағылымдамасының артықшылықтары және университеттің ғылыми білім беру қызметін дамытуда күтілетін үлес» тақырыбы бойынша кездесулер өткізді.
Атап айтсақ, шет тілін оқыту әдістемесі кафедрасының меңгерушісі, Лестер университетінің түлегі Элеонора Абдол мен халықаралық әріптестік және интернационалдандыру бөлімінің басшысы, Иоганн Гутенберг атындағы Майнц университетінің түлегі Қарлығаш Әшірханова профессор-оқытушылар құрамымен жүздесіп, өз тәжірибелерімен бөлісті.
