Стратегиялық даму кеңсесі университеттің даму стратегиясы мен жоспарларын әзірлеу және түзету бойынша университеттің құрылымдық бөлімшелерінің қызметін үйлестіруді, олардың орындалуын бақылауды, сондай-ақ үдерістік тәсілге негізделген сапа менеджменті жүйесін басқаруды жалпы үйлестіруді жүзеге асыратын “Х.Досмухамедов атындағы Атырау университеті” КеАҚ құрылымдық бөлімшесі болып табылады.
    Кеңсе қызметінің мақсаты - ұлттық, халықаралық аккредитациядан өтуге, ұлттық және әлемдік рейтингке қатысу үшін құрылымдық бөлімшелерді даярлау арқылы білім беру қызметтері нарығында университеттің бәсекеге қабілеттілігін арттыру.

    Кеңсенің негізгі міндеттері:

• қажетті нәтижелерді қамтамасыз ету және оларды жетілдіру жөніндегі іс-шараларды жоспарлау мен уақытылы түзету шараларын жүзеге асыру, университеттің даму стратегиясы көрсеткіштерінің мониторингін жүзеге асыру;
• университеттің ұстанымдарын анықтау және критерийлердегі өзгерістерді уақытылы бақылау, мониторинг жүргізу;
• университеттің жоғары оқу орындары рейтингісіне қатысу аясында құрылымдық бөлімшелердің қызметтерін үйлестіру;
• университетті дамытудың стратегиялық бағыттарын іске асыру кезеңдерін үйлестіру;
• қызметтің басым бағыттарын ескере отырып, университетті дамытудың стратегиялық жоспарын басқару және жүзеге асыру;
• көрсетілетін қызметтер сапасының проблемаларын болжау;
• университет қызметінің тиімділігін арттыру бойынша ұсыныстар әзірлеу.

Стратегиялық даму кеңсесінің құрылымына ISPACE БИЗНЕС-ИНКУБАТОРЫ және ЭКО-КАMPUS ДАМУ бөлімі кіреді.