Х.Досмұхамедов атындағы Атырау университетінің ресми сайтындағы Басқарма төрағасы-ректордың виртуалды қабылдауы
Құрметті достар!
Сіздерді 2020 жылы 70 жылдық мерейін атап өткелі отырған Х.Досмұхамедов атындағы Атырау университетінің ресми сайтындағы ректордың виртуалды қабылдауында көргеніме қуаныштымын!
Атырау университетінде еліміздің, сонымен қатар өңірдің білім мен ғылым саласын дамытуға арналған іс-шаралар кешенді және тұрақты ұйымдастырылып отырады.
Университет өмірінде күн сайын сіздермен бөлісетін көптеген іс-шаралар мен оқиғалар жүзеге асады. Сіздер осы виртуалды қабылдау парақшасы арқылы біздің университеттің дамуына, академиялық саясатына қатысты ұсыныстарыңыз бен пікірлеріңізді, сұрақ-сауалдарыңызды жазып, тікелей ой-бөлісе аласыздар. Мен сіздердің әрбір ұсыныстарыңыз бен сұрақтарыңызға алдын-ала рахметімді айта отырып, кез-келген мәселенің жан-жақты талдануына мән берілетіндігін атап өтемін.
Аталмыш блог келешекте республикамыздың Батыс өңіріндегі алдыңғы қатарлы ЖОО-ның бірі - Х.Досмұхамедов атындағы Атырау университетінің тыныс-тіршілігімен тереңірек танысумен қатар, Қазақстандағы және әлемдегі ғылым мен білім берудің көкейкестi мәселелерін талқылайтын пiкiрталас алаңына айналатынына сенімдімін.
